Жалпы білім беретін мектеп пен педагогикалық жоғары оқу орындарындағы ықтималдық теориясы мен статистика курсы мазмұнының сабақтастығы туралы

Аңдатпа

Мақалада жоғарғы оқу орны мен мектептегі ықтималдық теориясы мен
статистиканы оқытудың сабақтастығы мәселесіне назар аударылады. Мектеп пен жоғарғы оқу орнында оқытылатын ықтималдық теориясы мен статистиканың тақырыптары зерттеліп, ерекшеліктері айқындалды. Мектеп курсындағы осы бөлімдердің мазмұнына салыстырмалы талдау, тақырып бойынша схемалар жасалды.
Заманауи білім беру мазмұнының жаңаруы жағдайында сабақтастық қағидатын іске асырудың ерекшеліктері қарастырылады және жеке тұлғаның әлеуметтік және кәсіби өзін-өзі анықтауы мәселелерін шешудің маңыздылығы көрсетіледі. Сонымен қатар, жоғарғы оқу орнында оқу кезінде
студенттердің білім жетіспеуіне байланысты бұл мәселенің өзектілігі талқыланады. Бұл кезеңде сабақтастықтың болмауының негізгі себептері көрсетіледі. Ең маңызды себептердің бірі ретінде мектеп түлектерінің әртүрлі білім деңгейі қарастырылады. Мектеп-жоғарғы оқу орны жүйесінде білім қалыптастырудың негізгі шарттары сипатталады.