Кітапханашылар үшін ақпараттық платформа әзірлеу

Аңдатпа

Кітапхананың ұйымдастырудың дәстүрлі формасынан көшу алдыңғы қатарлы IT-технологияларды дамыту және енгізу арқылы мүмкін болды. Жаһандық өзгерістер электронды құжат кеңістігінің қалыптасуымен, кітапханалар үшін дәстүрлі және компьютерлік технологияларды үйлестіре отырып, оның орнын анықтау қажеттілігімен байланысты. Әлемде болып жатқан барлық өзгерістер кітапхана жүйесін реформалауға әкелді. Кітапханалардың жаңа үлгілерін цифрландырумен бірге әзірлеу кітапханаларды жоғары деңгейге шығаруға көмектеседі. Кітапхана саласына анықтамалар берілді. Теориялық тұрғыдан алғанда, кітапханалардың көпшілігі ресейлік және шетелдік әріптестердің зерттеулеріне сүйенеді. Бұл тақырыптың Қазақстанда жеткілікті зерттелмегенін назарға ала отырып, осы зерттеуде кітапханашы ғалымдардың теориялық мәселелерін талдауға әрекет жасалды. Электрондық құжаттарды іріктеу критерийлерін әзірлеудегі проблемалар мен қиындықтар анықталды және мақаланың соңында осы мәселені ары қарай зерттеудің қажеттілігі туралы баяндалды.