Қазақстан университеттеріндегі оқытушылардың жұмысқа құлшынысы

Аңдатпа

Бұл мақала Қазақстанның төрт университетінің оқытушыларының қызметке құлшынысын зерттеуге бағытталған. Жоғары білім беру жүйесінде болып жатқан өзгерістер оқытушылардың өзгерістерді жүзеге асыруға және университет қызметін жетілдіруге белсенді қатысуды талап етеді. Бұл зерттеу сауалнама нәтижелерін талдау негізінде мұғалімдердің құлшыныс деңгейін бағалауға бағытталған. Зерттеу нәтижелері жасына, жұмыс тәжірибесіне, лауазымына және ғылыми дәрежесіне байланысты университет оқытушыларының жұмысқа құлшынысының жалпы деңгейін анықтауға, құлшынысты  төмендететін негізгі проблемалық аймақтарды және оның негізгі аспектілерін анықтауға мүмкіндік берді. Авторлар жүргізген зерттеу университеттердің оқытушыларын толық қамтымайды, оған әр университеттің екі кафедрасы ғана қатысты. Дегенмен, авторлар оқытушылардың құлшынысын арттырудың негізгі бағыттарын тұжырымдаған. Мақалада университеттің оқытушыларының құлшыныс деңгейіне әсер ететін мотивациялық және демотивациялық факторларға сәйкес тәжірибелік ұсыныстар берілген. Бұл зерттеу қазақстандық университеттердегі оқытушылардың құлшыныс деңгейін бағалаудың алғашқы әрекеттерінің бірі болып табылады. Бұл оқытушылар  арасында қалыптасқан жағдайды жете түсініп, қорытынды жасауға негіз бола алатындықтан, университет басшылығының қызығушылығын тудыруға себеп бола алады.