Tүлектердің қатысуын талдау: қазақстандық университет үлгісіндегі сандық әдіс

Аңдатпа

Бұл зерттеудің мақсаты түлектердің Қазақстан университеттеріндегі Түлектер қауымдастығының дамуына қатысуға және үлес қосуға дайындығын зерттеу болып табылады. Осы салада жүргізілген зерттеулердің көпшілігі түлектер іс жүзінде қатысқан нақты әрекеттерге бағытталған. Мысалы, волонтерлік жұмыс немесе ақшалай қайырымдылық сияқты, алайда бұл зерттеу түлектердің әртүрлі іс-шараларға, Түлектер қауымдастығының іс-шараларына және университетпен қарым-қатынасқа қатысуға қанша уақыт, мүмкіндіктер мен тілектер бар екенін түсінуге тырысады.

Бұған дейін біз 2023 жылдың қараша айында жүргізген сапалы талдауда түлектердің қауымдастықтардағы белсенділігінің төмендеу себептерінің бірі түлектер мен университет арасындағы байланыста инфрақұрылымның жетіспеушілігі болуы мүмкін екендігі анықталды. Зерттеу алдыңғы талдаудың логикалық жалғасы болып табылады, бірақ бұл сандық талдауға негізделген. Деректерді жинау гипотезаны тестілеу шеңберінде зерттелген әдебиеттер негізінде жасалған сауалнама арқылы жүзеге асырылды.  Деректерді талдау үшін түлектердің үш сипаттамасы қолданылды: университетті бітіргеннен кейінгі жылдар саны, факультет және қазіргі лауазым. Талдау көрсеткендей, орта есеппен түлектер өз университеттерінің қауымдастығын дамытуға қатысуға дайын емес. Зерттеу барысында бітірген жылы мен түлек лауазымы арасындағы байланыс анықталды, атап айтқанда, бітіргеннен кейінгі жылдар санының артуымен респонденттер жоғары лауазымдық позицияларға ие болады. Сондай-ақ, жоғары лауазымды түлектер Түлектер қауымдастығының дамуына қатысуға дайын екендігі анықталды. Сонымен қатар, зерттеу аясында факультеттің түлектің қауымдастықтарды дамытуға үлес қосуға және қатысуға деген ұмтылысына әсері анықталған жоқ.