Әйелдердің шешім қабылдау практикасы: «мәжбүрлі баласыздықтан» – «ерікті баласыздыққа»
Қаралымдар: 23 / PDF жүктеулері: 20
Аңдатпа
Мақалада өзін «ерікті түрде баласызбын» деп санайтын әй- елдердің шешім қабылдау жолы қазақстандық қоғам негізінде зерттелді.
Зерттеудің өзектілігі: «ана болу – әйелдің басты міндеті» деп табылатын қазақстандық қоғамда өзін «ерікті баласыз» деп жариялаудың әлеуметтік қысымы мен күші, қабылданған шешімнің әйелдердің күнделікті өміріне ықпалы сонымен қатар әйелдерге тағылатын қоғамдық стигма мәселесі теориялық, практикалық дәлелдер негізінде қарастырылды.
Мақалада қолданылған зерттеу әдісі – Қазақстандағы 20-55 жастан асқан өзін ерікті түрде баласыз деп санайтын 15 әйелмен мақсатты квоталық іріктеу және «қар ұшқыны» әдісі арқылы жүргізілген тереңдетілген сұқбат.
Зерттеу нәтижелерінің практикалық маңызы – әйелдердің баласыз болуына ықпал ететін критерийлердің саралануы, аналық міндеттің шығындары мен «баладан азат, еркін» болудың артықшылық себептерін қарастыру.
Нәтижелерді талдау барысында, әйелдердің ерікті баласыз болу тура- лы шешімі – отбасылық пен денсаулық жағдайына, жасына, білім деңгейі мен кәсіби қызмет түріне байланысты күрделілігі көрсетілді. Қазақстандық қоғамда ерікті баласыздық («чайлдфри») құбылысын терең түсіну баласыздыққа бағытталған өмірлік сценарийлерді өзгерту мүмкіндігін болжауға негіз береді, ал жеке тұлға ретінде даму процесінде баласыз болу – дәстүрлі отбасын құру, әлем бейнесін қайта қарастыру параметрімен ауыстырылады.
Жүктеулер
Жарияланды
Дәйексөзді қалай келтіруге болады
Журналдың саны
Бөлім
Лицензия
Авторлық құқық (c) 2024 Л.Н. Гумилев атындағы Еуразия ұлттық университетінің хабаршысы. Педагогика. Психология. Социология сериясы
Бұл жұмыс Creative Commons Attribution-NonCommercial-NoDerivatives 4.0 Дүние жүзінде.
