Қазақстандағы мемлекеттік университетте бірінші курс студенттерінің университетке бейімделуіне әсер ететін проблемалар
Қаралымдар: 119 / PDF жүктеулері: 125
Аңдатпа
Бұл зерттеу жоғары оқу орындарының бірінші курс студенттері университет өміріне
бейімделу кезінде кездесетін кейбір қиындықтарды қарастырады. Бұл зерттеудің негізгі мақсаты –
университеттің бірінші курс студенттеріне қандай іс-шаралар мен бағдарламалар олардың жаңа
білім беру ортасына кірігуіне және олардың жаңа ортаға үйренуіне көмектескенін анықтау. Бұл
зерттеуге қатысушылар М.Х. Дулати атындағы Тараз өңірлік университеті 2021-2022 оқу жылында
гибридті (онлайн және офлайн) оқуды бастады. Деректерді алу мақсатында авторлар бірінші курстың
270 студентіне сауалнама жүргізіп, олардың 15-імен қосымша сұхбат жүргізді. Нәтижелер бірінші
курс студенттерінің көзқарастарын, үміттерін және тәжірибесін, сондай-ақ институционалдық
агенттердің қолдауын, олардың нұсқаушыларымен өзара әрекеттесуін және қоғамдастықтың
қатысуын, сонымен қатар білім берудің бірінші жылының табысты және нәтижелі болуына
байланысты басқа факторларды зерттейді. Бұл зерттеудің нәтижелері бірінші курс студенттерін
университет өмірінің тәртібі мен мәдениетіне бейімдеудің ең тиімді әдісін анықтауда оқу орнының
әкімшілігіне, оқытушыларына және қызметкерлеріне пайдалы болады. Қорытындылар мен
нәтижелер негізінде университеттің бірінші курс студенттерін ассимиляциялау бойынша бірқатар
ұсыныстар әзірленіп, осы жұмыста ұсынылды.
