Экономикалық дағдарыс жағдайында қызметкерлерді басқару ерекшеліктері

Аңдатпа

Адам ресурстарын басқаруда (HR) адалдық маңызды мәселелердің бірі, сондықтан көптеген ұйымдар үшін бұл өзекті проблема. Бақыланбайтын жұмыстан қырметкерлердің кетуі компаниялар үшін ауыр зардаптарға әкелуі мүмкін әрі бұл әсіресе дағдарыс кезінде өткір қойылады. Адалдық шараларын енгізу жұмысқа қатысты ұсыныстар көп болған кезде және қызметкерлер балама позицияны оңай таба алатын кезде маңызды. Зерттеудің мақсаты - адалдық құралдарын дағдарыстың алдын алу мен реттеу механизмі ретінде пайдалануды қарастыру. Ол үшін келесі әдістер қолданылды: салыстырмалы және статистикалық талдау, зерттеуге формальды-логикалық, функционалдық және процестік тәсіл, сондай-ақ құжаттама мен ақпараттық материалдарды зерттеу әдістері, SWOT-талдау және т. б. зерттеу нәтижелері: ұзақ мерзімді болашақта және экономиканы қалпына келтіруге дайындалу үшін ұйымдар негізінен жоғары әлеуетті қызметкерлерді қазіргідей нарықтық бәсекелестік жағдайда сақтап қалуға мүдделі. Осылайша, олар өздерінің жұмыс өнімділігін бұзбай, қызметкерлердің қанағаттануы мен адалдығын арттыра алады. Сонда адами ресурстардың нәтижесі мен ұйымның тиімділігі арасындағы байланыс айқынырақ болады: адалдық компания жұмысының өнімділігін қамтамасыз етеді, бәсекелестік артықшылықтарды сақтайды. Қызметкерлерді басқару шығындарын оңтайландырып, әлеуметтік дисфункцияны азайту арқылы басқару сапасын арттырады.